पुनर्वनीकरण @ शूलपाणी झाडी

 ॥ नर्मदे हर ॥

नर्मदा परिक्रमेतील अतिशय महत्त्वाचा टप्पा असलेल्या शूलपाणीच्या झाडीमध्ये आज-काल नावाला देखील झाडे शिल्लक नाहीत . कारणे काहीही असोत .परंतु निर्वनीकरण झाले आहे एवढे निश्चित आहे . यावर उपाय एकच आहे . 

पुनर्वनीकरण !

त्यासाठी आपण खालील प्रकल्प स्थानिक आदिवासी बांधवांच्या मदतीने तिथे राबवत आहोत .

१) बीज गोळे निर्मिती व प्रक्षेपण

२) प्रत्यक्ष वृक्षारोपण आणि वृक्ष संवर्धन

३) वृक्षारोपणासाठी आवश्यक सुविधा निर्मिती

पुणे येथील परिक्रमा वासी श्री महेश माधव कुलकर्णी व सौ नेहा महेश कुलकर्णी यांनी गोळा केलेल्या देशी बिया नुकत्याच खप्परमाळ येथे पाठवण्यात आल्या . तेथील परिक्रमावासींची सेवा करणारे नर्मदा भक्त श्री दिनेश फोदला पावरा यांनी हा संपूर्ण उपक्रम राबविण्याचे ठरविले आहे . त्यांनी कुटुंबीयांच्या मदतीने या बिया मोकळ्या करून त्याचे सुमारे पंधराशे बीज गोळे बनवलेले आहेत . लवकरच पाऊस सुरू झाल्यावर त्यांचे प्रक्षेपण सुरू होईल . 

महाराष्ट्राचे वनखाते या कामांमध्ये आपल्याला संपूर्ण सहकार्य करत आहे . त्याबद्दल वनक्षेत्रपाल श्री महेश चव्हाण जी यांचे व त्यांच्या सहकाऱ्यांचे मनापासून आभार !

वृक्षारोपणासाठी आवश्यक असलेल्या संरक्षक जाळ्यांची निर्मिती आणि खड्डे काढून घेणे ही कामे सध्या सुरू आहेत . 

त्यासाठी लागणारी अवजारे अर्थात कुदळ अधिक फावडे यांचे तीन संच वाचकांच्या सहकार्यातून विकत घेण्यात आलेले आहेत . जितके अधिक संच निर्माण होतील तितके खड्डे काढणे वेगवान होईल . प्रत्येक खड्डा काढण्यासाठी काही श्रम मूल्यदान आपण आदिवासी बांधवांना देणार आहोत . तसेच प्रत्येक जाळीसाठी देखील आर्थिक मदत करणार आहोत . अशी आर्थिक मदत मिळाल्यामुळे अधिकाधिक झाडे लावण्यासाठी आदिवासी बांधव प्रवृत्त होतील याचा विश्वास वाटतो . आपल्याला इथे दोन हजार लिटर पाण्याचे एक टाकी बसवावी लागणार आहे . आणि तीन अश्वशक्तीची सोलर मोटर बसवावी लागणार आहे . ठिबक सिंचन करता आले तर उत्तम होणार आहे . या सर्वांसाठी निधीची गरज आहे . या संपूर्ण प्रकल्पाचे कार्य प्रकल्प समन्वयक म्हणून दादर येथील नर्मदा भक्त वृक्षमित्र सीमाताई खोत पाहत आहेत . आपण या कामासाठी त्यांना थेट संपर्क करू शकता . तसेच आपल्याकडे देशी वृक्षांच्या बिया असतील तर त्या देखील आम्ही गोळा करतो आहोत . त्यासाठी देखील आपण त्यांना किंवा खालील ई-मेल आयडीवर संपर्क करू शकता . 

संपर्क : सीमाताई खोत दादर 80807 04104

ई-मेल : mazinarmadaparikrama@gmail.com

श्री महेश माधव कुलकर्णी पुणे  98812 32205

कुठलीही रक्कम आम्ही स्वतः स्वीकारत नसून थेट दिनेश पावरा यांच्या अकाउंटला आपण ट्रान्सफर करू शकता . जेणेकरून त्यांना स्थानिक भागात खरेदी करणे शक्य होते . 

दिनेश पावरा यांना मदत पाठविल्यावर त्याचा स्क्रीनशॉट सीमा ताईंना पाठवावा व ईमेल आयडी वरही टाकावा ही विनंती .

दिनेश पावरा यांचा जी पे क्रमांक खालील प्रमाणे आहे :

दिनेश फोदला पावरा 74477 21491

आतापर्यंत या प्रकल्पासाठी कोणी कोणी किती किती दान केले आहे ते आपल्याला ब्लॉग वरील दात्यांची यादी उघडल्यावर हिरव्या रंगात रंगवलेले दिसेल .

या कामाची काही क्षणचित्रे आपल्यासाठी खाली देत आहे ती पाहावीत . सर्वात शेवटी आपण गोळा करून शूल पाणीच्या झाडीमध्ये पाठविलेल्या विविध प्रकारच्या बियाण्यांची यादी दिलेली आहे . ती देखील पहावी . आणि आपल्या जवळच्या कुठल्याही देशी बीया आवर्जून आम्हाला आणून द्याव्यात .

ता क : १५ /६ / २०२४ रोजी परिक्रमावासी श्री जयंतराव पाठक उपळाईकर बार्शी यांनी त्यांच्या शेतातील उत्कृष्ट दर्जाची ज्वारी फोदला मामाच्या शेतात पेरणी करता प्रस्तुत लेखकासोबत दिलेली आहे . 

सीमाताई खोत यांनी भरपूर बिया सोबत दिलेल्या आहेत . तसेच स्वतःच्या हाताने दिनेशच्या मुलांसाठी शिवलेले सुंदर कपडे देखील दिलेले आहेत . 

मीनाताई अवचट यांनी बिया ,पुस्तके आणि खेळणी सोबत दिली आहेत . 

सुप्रिया कुलकर्णी यांनी गॅल्वनाईज्ड पत्र्याची एँटिक सुंदर ट्रंक दिलेली आहे .

आलोक लागू यांनी विविध प्रकारच्या देशी बिया सोबत दिल्या आहेत . 

महेश राव कुलकर्णी यांनी पोते भरून बिया सोबत दिल्या आहेत .

सौ हेमा चन्ने यांनी काही बिया सोबत दिल्या आहेत

असा सर्व सुमारे ८० किलो ऐवज घेऊन प्रस्तुत लेखक भाबरीला निघालेले आहेत !

१६ । ६ । २०२४ श्रीक्षेत्र टाकरखेडा धुळे येथे बाल सेनेच्या मदतीने अर्धा क्विंटल कडुलिंबाच्या बिया गोळा केल्या .

१७ ।६ ।२०२४ म्हसावद येथे दोन हजार लिटरची टाकी खरेदी केली आणि भाबरी ला निघालो 

हेच आदिवासी बांधव पुनर्वनकरणासाठी सज्ज झालेले आहेत !

मागे किती झाडे दिसतात मोजून पहा !

चार दिवसांच्या चालीमध्ये एकही छायादार वृक्ष मिळत नाही हे किती दुर्दैवाचे आहे !

श्री महेश कुलकर्णी यांनी बीज गोळे बनवण्यासाठी दान केलेल्या दहा किलो बिया खालील वनस्पतींच्या आहेत .

दादर येथे राहणाऱ्या आणि मुंबई परिसरात भरपूर वृक्षारोपण करणाऱ्या डॉक्टर सीमाताई खोत यांनी शूल पाणी ला पाठविण्यासाठी गोळा केलेल्या बिया खालील प्रमाणे .

चारोळ्या

काजू

बीज गोळे बनवण्यासाठी प्रचंड मेहनत घेणार्या सविता व ललिता फोदला पावरा भगिनी 

वृक्षवीर प्रज्ञेश दिनेश पावरा